Олимпын наадамд бэлтгэх дэд ажлын хэсгийн ээлжит хурал өнөөдөр /2021.09.30/ Olympic House-д боллоо. Тус ажлын хэсэгт МҮОХ, БТСУХ, Монголын паралимпын хороо, Спортын анагаах ухаан, эрдэм шинжилгээний төвийн төлөөлөл багтдаг аж.

Хуралдаанаар Токиогийн олимпт Монголын баг тамирчид оролцсон тайланг хэлэлцсэнээс гадна Бээжингийн өвлийн олимп, Парисын зуны олимпын наадамд бэлтгэх ажилдаа оров. Тухайлбал, өвөл, зуны олимпын наадам болон “Ханжоу-2022” Азийн наадамд оролцох багийн төсөв, төлөвлөгөө болон тамирчдын хувцаслалтын асуудлыг хэлэлцжээ. Улмаар дэд ажлын хэсгийн дараагийн хурлыг аравдугаар сарын 20-нд хийхээр тогтлоо.