Өнөөдрийн Засгийн газрын хуралдаанаар 2022 оны улсын нэгдсэн төсвийн төслийг хэлэлцэж, УИХ-д өргөн барихаар болжээ. Маргааш морин цагт амжиж барина гэдгээ Сангийн сайд Б.Жавхлан мэдээллээ. Тэрбээр "Ирэх оны төсвийн онцлог нь 2019 оноос хойш 2020 онд үргэлжилж буй эдийн засгийн хүнд сорилт, цохилт, уналтыг тогтворжуулах, улмаар урт хугацаанд тогтвортой болгох суурийг баттай бий болгохыг зорьсон, амбицтай төсөв болсон. Ирэх онд хөгжлийн төсөв хийж байгаа. Бидэнд маш олон том сорилт байна" гэлээ.