Баянхонгор аймгийн Эрдэнэцогт сумын Эрхт тамч багийн “Эрхэтийн-Ар тогоот” гэдэг газар иргэн Ц наймдугаар сарын 20-ны өдрийн 10:00 цагийн орчим гэрээсээ айлд цагаан идээ хүргэхээр явганаар яваад сураггүй болсон тухай дуудлага наймдугаар сарын 21-ний өдөр Онцгой байдлын албанд бүртгэгджээ.
Дуудлагын дагуу тус аймгийн Онцгой байдлын газар, аймгийн Цагдаагийн газрын алба хаагчид, Засаг даргын Тамгын газрын ажилтнууд, ар гэрийн хүмүүс 45 настай эмэгтэй Ц /сэтгэцийн өөрчлөлттэй/-ыг Шаргалжуут багийн “Баян давааны-Ам” гэдэг газраас “Баяндавааны эх” гэдэг газар хүртэл 8 км, “Асгатын-Ам” гэдэг газраас “Асгатын-Эх” гэдэг газар хүртэл 7 км, “Шаргалжуут” голын эрэг дагуу “Элбэнхийн-Ам” гэдэг газар хүртэл 16 км, тус аймгийн Өлзийт сумын “Нарийн гол” багийн “Намын давааны-Ам” гэдэг газар хүртэл 8 км, нийт 50 км-т явганаар болон автомашинтай, нисгэгчгүй нисгэгч аппарат /дрон/ хөөргөн эрэн хайх ажиллагааг зохион байгуулсан боловч үр дүнд хүрээгүй байна. Эрлийн ажиллагааг өнөөдөр 10:00 цагт дахин эхлүүлжээ.
