БШУЯ-наас мэдээлэл өглөө. Ингэхдээ цар тахлын хууль хэрэгжиж байгаа энэ үед төрийн өмчит болон хувийн их дээд сургууль, цэцэрлэгийн төлбөр нэмэгдэхгүй гэж БШУ-ны сайд Л.Энх-Амгалан мэдэгдэв. Тэрбээр "Ковидын хууль энэ оныг дуустал хэрэгжинэ. Бид хэрэгжүүлэх үүрэгтэй. Тиймээс өмчийн хэлбэр үл харгалзан сургуулийн өмнөх боловсрол, ЕБС, их дээд сургуулиудын төлбөр нэмэгдвэл бид хариуцлага тооцно. Төрийн өмчийн сургуулиуд нь нэмэхгүй, хувийн хэвшил нь нэмээд байдаг тогтолцоо руу бид явж болохгүй. Журам хэрэгжүүлээгүй захирлуудад хариуцлага тооцно" гэлээ.