Боловсрол, шинжлэх ухааны яамнаас мэдээлэл хийх үеэр БШУ-ны сайд Л.Энх-Амгалан төрийн өмчит их, дээд сургуулиудын сургалтын болон оюутны дотуур байртай холбоотой мэдээллийг өглөө. Хөдөө орон нутгаас нийслэлд суралцах оюутнуудын дунд жил бүр оюутны дотуур байрны хүрэлцээ, төлбөртэй холбоотой асуудал яригддаг.

Тэгвэл энэ жилийн хувьд оюутны дотуур байрны төлбөр 450-700 мянган төгрөгийн хооронд байгаа. Ингэхдээ цар тахлын нөхцөл байдлаас шалтгаалан дотуур байрны төлбөрийг нэмэгдүүлэхгүй байх чиглэлийг БШУЯ-наас өгсөн аж. Улсын хэмжээнд 147 мянган оюутан суралцах бөгөөд үүнээс 71 мянган оюутан дотуур байранд байрлах боломжтой байгаа аж.