Дорнод аймгийн Чулуунхороот сумын Галуут багийн “Арлын-Ухаа” гэдэг газар найман хүн зугаалж явснаас нэг нь “Улз” голын усанд живсэн тухай мэдээлэл өчигдөр буюу долдугаар сарын 28-нд бүртгэгдсэн аж. Тус дуудлагын дагуу сумын Засаг даргын Тамгын газрын ажилтнууд эрэн хайх ажиллагааг зохион байгуулсан байна. Эрлийн ажиллагааны дүнд тус сумын харьяат 32 настай эмэгтэй Ч-ийн цогцсыг осолдсон газраас урд зүгт нэг км-т “Улз” голын усны мандалд хөвж байсныг олжээ. Цогцсыг тус сум дахь Цагдаагийн хэсгийн мөрдөгчид шилжүүлэн өгсөн тухай Чулуунхороот сумын Засаг дарга аймгийн Онцгой байдлын газарт мэдэгджээ.