Онцгой байдлын алба хаагчид нүхэн жорлонд унасан иргэнийг аварчээ. Тодруулбал, Нийслэлийн Баянзүрх дүүргийн наймдугаар хороо, Эрдэнэтолгойн 37 дугаар гудамжинд нүхэн жорлонд нэг хүн унасан тухай дуудлага долдугаар сарын 29-ний өдрийн 04 цаг орчимд бүртгэгджээ. Дуудлагын дагуу Нийслэлийн Аврах ангийн алба хаагчид очиход 57 настай эрэгтэй нүхэн жорлонд унасан байсныг гаргаж нийслэлийн ЯТТТ-д хүлээлгэн өгсөн байна.