Олимпын наадмын гурав дахь өдрөө үргэлжилж байна. Жүдо бөхийн эмэгтэй -52 кг, эрэгтэй -66 кг-ийн барилдаанууд болох товтой байсан юм.
Л.Сосорбарам 52 кг-д таарсан эхний учраа Узбекистаны Д.Келдиороваг өчих мэхээр цэвэр яллаа. Одоо тэрбээр Швейцарын Ф.Кохертой шилдэг наймд үлдэхийн төлөө барилдана.
Тун удахгүй эрэгтэй 66 кг төрөлд оролцох ДАШТ-ны хүрэл медальт Ё.Басхүү барилдана. Түүний хувьд эхний тойрогтоо гоц мөргөсөн юм. Тэрбээр хоёрдугаар тойрогтоо Беларусийн тамирчин Дмитри Минку болон Катарын Аюуб Элидрисси нарын хэн ялсантай нь барилдах юм. Л.Сосорбарамын барилдаан 10:42 цагт эхэлсэн бол Ё.Басхүү 11.38 цагт барилдах товтой байна.
