Боловсрол, шинжлэх ухааны сайд Л.Энх-Амгалан Элсэлтийн ерөнхий шалгалтын товыг танилцууллаа. Мөн мэдээллийн үеэр сургууль, цэцэрлэгийн гадаах ногоон байгууламжийг нээх чиглэл өгсөн талаараа дурдлаа. Тэрбээр,

"Боловсрол, шинжлэх ухааны яамнаас зуны улиралд цэцэрлэг, сургуулиудын ногоон байгууламжуудыг нээх чиглэлийг бүх аймаг, сум, нийслэлийн сургуулиудад өгсөн. Ихэнх сургуулиуд энэ санаачлагыг хүлээж аван сургуулийн ногоон байгууламжийг нээсэн. Спорт залны хувьд хараахан судалж үзээгүй байна. Бидний хамгийн түрүүнд анхаарал хандуулж байгаа зүйл бол есдүгээр сарын 1-нд хуулийн дагуу сургууль цэцэрлэгүүдээ нээх, түүний бэлтгэл ажлыг хангах болон ЭЕШ-ыг дахиж хойшлуулахгүйгээр зохион байгуулах гол зорилготой байна" гэв.