Коронавирусийн халдварын тохиолдол нэмэгдэхийн хэрээр бага насны хүүхдүүдийн өвчлөлийн тоо өсөж байгааг ЭМЯ-наас мэдээлсэн. Дэлхий дахинаа эрдэмтэд цар тахлыг таслан зогсоох хамгийн үр дүнтэй арга нь хүүхдийн вакцинжуулалт гэж үзэж байна. ХӨСҮТ-ийн вирус судлалын лабораторийн судлаач Г.Цогзолмаагийн мэдээлж буйгаар хүүхдүүдийг дархлаажуулж эхэлбэл Pfizer вакциныг ашиглах боломжтой гэжээ.
Ташрамд дурдахад, АНУ-д Pfizer вакциныг 12-оос дээш насны хүүхдэд хийх зөвшөөрөл олгожээ. Үүнтэй холбогдуулан насанд хүрээгүй хүүхдүүдийг вакцинжуулахаар pfizer вакцины 2.5 сая тунгийн гэрээ хийсэн талаар “Улаанбаатар Сонгдо” эмнэлгийн Ерөнхий захирал Б.Болдсайхан мэдээлсэн.
UBN.mn сайтын редакц