Дорнод бүсийн плэй-оффын эхний шатанд учраа таарсан Вашингтон Визардс Филаделпиа 76 багуудын цувралын дөрөв дэх тоглолт болж 122:114 харьцаатайгаар Визардс хожлоо. Филли өмнөх гурван тоглолт дараалан хожиж цуврал 3:0 харьцаатай үргэлжилж байсан ч өнөөдөр Визардс хожиж харьцааг 3:1 болголоо.

Өнөөдрийн тоглолтод Рассэл Вэстбрүүк 19 оноо, 21 самбар, 14 дамжуулалттай трибл дабл хийсэн бол Брэдли Бийл 27 оноо, Хачимура 20 оноо авсан байна. Харин Филлигээс Тобайс Харрис 21 оноо 13 самбар, Бэн Симмонс 13 оноо 12 самбар авчээ.