Монгол Улсын Ерөнхийлөгчийн сонгуульд нэр дэвшигчид хөдөө орон нутгийн иргэдтэй уулзалт хийж буй. Энэ хүрээнд "Зөв хүн-Электорат" эвслээс нэр дэвшигч Д.Энхбат Завхан аймгийн иргэдтэй уулзахаар Завханд очжээ. Улмаар уулзалт хийхээр цаг товлосон ч аймгийн удирдлагууд нь бүх нийтийн цэвэрлэгээ зарлаж, иргэдийг тус уулзалтад очиход саад учруулсан тухай нэр дэвшигч Д.Энхбат өөрийн цахим хуудаснаа бичсэн байна. Тэрбээр "Ерөнхийлөгчийн сонгууль бол Монгол төрийн ажил. Харин аймгийн удирдлагууд зөвхөн нэг талыг барьж сандарч байна гэж уулзсан хүмүүс хэлцгээж байна" гэжээ.