УИХ-ын гишүүн Ц.Анандбазарыг охид бүсгүйчүүдийг хүчирхийлсэн байж болзошгүй мэдээлэл цацагдаад буй. Уг асуудлаас улбаалж, түүнийг намын гишүүнээс түр түдгэлзүүлсэн. Харин УИХ-ын гишүүд уг асуудалд ямар байр суурьтай байгааг тодруулахад УИХ-ын гишүүн Ж.Сүхбаатар "УИХ дахь МАН-ын бүлэг мэдээж Ц.Анандбазар гишүүний асуудлаар ярилцсан. Уг асуудлыг нийтэд нялзайгаад, бүх гишүүдэд холбогдуулж боломгүй байгаа юм. Учир нь Ц.Анандбазар гишүүний асуудалд МАН-ын хороо дүгнэлт гаргасан. Улмаар хуулийн байгууллага хэрэг үүсгээд шалгаж байгаа гэж ойлгосон.

Хэрэг бүртгэл мөрдөн байцаалтын явцад УИХ-ын гишүүд хөндлөнгөөс оролцох, саад учруулахыг хориглодог. Намын дотоод асуудлаар яригдчихсан. Яг УИХ-ын гишүүд нийлээд гэм буруутай юм байна гэж хэлэх боломжгүй. Хуулийн байгууллага шалгаж байгаа асуудлыг УИХ-ын гишүүд зааварлах боломжгүй. Ёсзүйн хороог УИХ-ын гишүүн Б.Бат-Эрдэнэ ахалдаг" гэлээ.