Сүүлийн дөрвөн сарын хугацаанд халдвар авч эдгэсэн болон вакцины бүрэн тунд хамрагдаад 14 хоносон иргэд PCR шинжилгээг өгөх шаардлагагүй гэж албаны хүмүүс мэдээллээ. Харин хөдөө, орон нутаг зайлшгүй явах шаардлагатай иргэд, эрүүл мэндийн тусламж үйлчилгээ авах иргэд, оршуулгын үйл ажиллагаанд оролцох иргэд цаг авалгүй очин, шинжилгээнд хамрагдах боломжтой. 

Нийслэлийн төвийн зургаан дүүрэгт нийт суурин гурав, явуулын гурван шинжилгээний цэг ажиллаж байна.

Шинжилгээний цэгийн байршлууд:

1. Баянгол дүүрэг- 96 дугаар сургууль
2. Сүхбаатар дүүрэг- 143 дугаар цэцэрлэг
3. Чингэлтэй дүүрэг-74 дүгээр цэцэрлэг
4. Баянзүрх дүүрэг- “Тэнгэр” худалдааны төвийн гадна талбай
5. Сонгинохайрхан дүүрэг- Таван шарын төмөр замын гармын ард байрлах “Номин” агуулах худалдааны гадна талбай
6. Хан-Уул дүүрэг- Буянт-Ухаа спорт цогцолборын гадна талбай.

Дээрх цэгүүд ажлын өдрүүдэд 09:00-12:00 цагийн хооронд ажиллах бөгөөд амралтын өдрүүдэд гурав, гурваараа ээлжлэн ажиллана.