Өнөөдөр буюу тавдугаар сарын 8-ны өдөр Ерөнхий сайд Л.Оюун-Эрдэнэ биечлэн вакцинжуулалтын цэг дээр ажиллаж байна.

  Энэ үеэр Ерөнхий сайд АН-ын гишүүд жагсаал хийж буй асуудалд “Бидний хувьд хэцүүхэн өдрүүд болж байна. Засгийн газар цар тахалтай тэмцэх арга хэмжээ авч эхэлсэн цагаас хойш л намууд хоорондоо тэмцэлдэж байна. Энэ бол цэвэр Ерөнхийлөгчийн сонгуультай холбоотой. Аюулгүйн зөвлөлийн гишүүд, Ерөнхийлөгч, УИХ-ын гишүүд бүгд хоорондоо нэгдмэл байж шийдвэр гаргах ёстой. Хөл хорио суларсан ч одоо улбар шар түвшинд хязгаарлалт хэрэгжиж байна. Иймд иргэд гадуур жагсаал тэмцэл хийж огт болохгүй. Аль болох гэртээ байж халдварыг тархаахгүй байх хэрэгтэй” хэмээв.