Мальдивын нийслэл Мале хотод бөмбөг дэлбэрч тус улсын ерөнхийлөгч асан, парламентийн дарга Мохамед Нашид халдлагад өртжээ. Мальдивийн Ардчилсан намын дэмжигчид түүнийг пүрэв гаригт гэрийнхээ гадаа машинд суух гэж байхад дэлбэрэлт болсон гэж мэдэгджээ. Эхний мэдээллээр тэсрэх бөмбөгийг ойролцоо зогсоолд байрлуулсан мотоцикль дээр бэхэлсэн байсан гэж таамаглажээ.

Ноён Нашид нь Мальдивын ардчилсан замаар сонгогдсон анхны ерөнхийлөгч юм. Тэрээр 2008 онд олон намын сонгуульд ялалт байгуулсан боловч дөрвөн жилийн дараа төрийн эргэлт хийж огцорсон юм. 53 настай Нашид одоо Энэтхэгийн далайн хоёр дахь хамгийн хүчирхэг байр парламентад даргаар ажиллаж байна.

Дэлбэрэлт болсны дараа "Парламентын дарга Мохамед Нашид гэмтэл авч, одоо эмчилгээ хийлгэж байна" гэж цагдаагийн мэдэгдэлд дурджээ. Нашидийг эмчилж буй эмнэлгээс түүнийг олон удаа гэмтэл авсан ч биеийн байдал нь тогтвортой байгаа гэж мэдэгджээ. Мөн түүнээс гадна хэд хэдэн хүн шархадсан гэсэн мэдээлэл байна.

Мальдивын одоогийн ерөнхийлөгч Ибу Солих твиттертээ "цагдаа нар мөрдөн байцаалт эхлүүлсэн" гэж мэдэгджээ. Мөн тус улсын Ардчилсан намын гишүүн Али Азим BBC-д мэдээлэхдээ "дэлбэрэлт нь ноён Нашидийн эсрэг чиглэсэн халдлага байсан бололтой" гэжээ. 

Эх сурвалж: https://www.bbc.com

Орчуулсан: Б.Амарбаясгалан