Сүхбаатар дүүргийн эмнэлэгт хөл хорио тогтоосон тухай мэдээлэл олон нийтийн сүлжээд цацагдаж эхэлсэн. Нийслэлийн Эрүүл мэндийн газрын дарга Л.Төмөрбаатар үүнд хариулт өглөө. Тэрбээр "Сүхбаатар дүүргийн эмнэлэгт үдээс хойш 73 настай иргэн хатгалгаа оноштой ирсэн. Сэжигтэй тохиолдол учраас тусгаарлаад, хэсэгчилсэн хөл хорио тогтоож PCR шинжилгээ авсан. Шинжилгээний хариу нь сөрөг гарсан. Тиймээс одоо Сүхбаатар дүүргийн эмнэлэг хэвийн ажиллаж байна" гэлээ.