МАН-ын Бага хурал өнгөрсөн бямба гарагт болсон. Энэ үеэр УИХ-ын гишүүн Б.Энхбаярыг намаас хөөх асуудал хөндөгдсөн гэх мэдээлэл байгаа юм. Энэ талаар УИХ-ын гишүүн, Ёс зүй, дэгийн байнгын хорооны дарга Б.Баярбаатараас тодруулахад "УИХ-ын гишүүн Б.Энхбаярыг намаас хөөх асуудал Бага хурал дээр яригдсан. Намын гишүүдээс түүнийг дэндүү увайгүй үйлдэл гаргаж, МАН-ын нэр хүндэд халдлаа гэх гомдол их ирсэн.
Б.Энхбаяр гишүүн намаас хөөгдөх шаардлагаа хангах нь битгий хэл хэтрүүлсэн. Өнөөдөр Бага хурлын 100 гаруй гишүүдээс түүнийг хөөх гарын үсэг цуглуулж өгнө гэх мэдээлэл байна" гэлээ.
