Сонгинохайран, Баянгол, Хан-Уул дүүргийн Эрүүгийн хэргийн анхан шатны шүүхэд "Gem mall" худалдааны төвд эхнэрээ 40 удаа хутгалж хөнөөсөн этгээд н.Энхбатад холбогдох хэргийн шүүх болж, дөнгөж сая шийдвэрээ танилцууллаа.
Тодруулбал прокуророос санал болгосны дагуу шүүгдэгч н.Энхбатад БҮХ НАСААР НЬ ХОРИХ ял оногдуулж, ялыг хаалттай хорих ангид эдлүүлэхээр болсон юм. Түүнчлэн, сэтгэцийн хохирол 162.3 сая төгрөгийг шүүгдэгчээс гаргуулж, амь хохирогчийн хүүхдэд олгож, амь хохирогчийн насанд хүрээгүй 2 хүүхдэд асран хамгаалагч томилохыг БГД-ийн Засаг даргад үүрэг болгож шийдвэрлэлээ.
