Заамар сумын Хайлааст багт бичил уурхай эрхлэгч долоон иргэн техникийн спирт ууж дөрөв нь нас баржээ. Нэг иргэн нь газар дээрээ нас барсан бол гурван иргэн нь Заамар сумын Хайлааст багийн эмнэлэгт хүргэгдээд нас барсан байна. Үлдсэн гурван иргэн нь Улсын нэгдүгээр төв эмнэлэгт эмчлүүлж байгаа ч нэг иргэнийх нь биеийн байдал тааруу байгаа аж.

Хэдийгээр иргэд архи уусан хэмээн мэдүүлж байгаа ч техникийн спирт уусныг нь тогтоосон байна. Иймээс орон нутагт ажил үүргээ гүйцэтгэж буй хүмүүст хандаж УОК-ийн Шуурхай штабаас техникийн спирт хэрэглэхгүй байхыг анхаарууллаа.