Эрүүл мэндийн яамнаас Ковид-19 ийн нөхцөл байдлын талаар ээлжит мэдээллээ хийж байна. Өчигдөр нийт 14019 хүнд шинжилгээ хийхэд долоон хүнээс Ковид-19 илэрчээ. Үүний дөрөв нь Сэлэнгэ аймагт шинээр бүртгэгдсэн бол Үамын-Үүд суманд гурван тохиолдол шинээр бүртгэгдсэн байна. Харин бусад голомт болох Улаанбаатар, Дархан-Уул, Орон, Говьсүмбэр, Архангай аймагт сүүлийн 24 цагт өвчлөл бүртгэгдээгүйг мэдээллээ.

ХӨСҮТ-ийн Тандалт судалгааны албаны дарга А.АМБАСЭЛМАА: Сэлэнгэ аймагт шинээр бүртгэгдсэн дөрвөн тохиолдол ойрын хавьтал бөгөөд шинжилгээний хариу нь эерэг гарсан. Тус аймагт нийт батлагдсан тохиолдол 201 боллоо. Дорноговь аймагт нийт батлагдсан тохиолдол 208 болсон. Замын-Үүдэд шинээр батлагдсан гурван тохиолдол нь гэр бүлийн хүрээнд байна. Сүүлийн 24 цагт ХӨСҮТ-өөс 16 хүн эдгэрч, дараагийн сувилал руу шилжлээ.