Сүхбаатар дүүргийн 8-р хороо Дашчойлин хийдийн баруун хойд талд хууль бусаад ашиглаж байсан эмийн үйлдвэрийн барилгыг нурааж, газрыг дуудлага худалдаанд оруулах болсныг НЗДТГ-ын дарга Д.Амгалан мэдээлсэн. Нийт 3150 ам.метр талбайг дуудлага худалдаанд оруулах бөгөөд анхны үнэ 443 сая 520 мянган төгрөг байх аж. Ирэх даваа гарагт олон нийтэд дуудлага худалдааны зарыг албан ёсоор мэдэгдэхээр төлөвлөжээ. Газрын дуудлага худалдааг ирэх тавдугаар сарын 21-ний өдөр иргэдэд нээлттэйгээр ил тод зохион байгуулах юм байна.