Өчигдөр /2025.04.14/ 21.00 цагийн орчимд Хөвсгөл аймгийн "Шинэ Мөрөн" худалдааны төвд томоохон хэмжээний гал гарсан. Эхний байдлаар 300 гаруй түрээслэгч хохирол амссан гэх мэдээлэл бий. Тэгвэл тус төвийн түрээслэгчид аймгийн удирдлагуудтай уулзлаа.

Энэ үеэр нэгэн түрээслэгч "170-180 сая төгрөгийн бараагаа шатаалгачихлаа. Бидний зээлийг одоо яах вэ. Банк биднийг өршөөхгүй шүү дээ. Өвлөөс хойш цахилгааны асуудал яригдаад байсан. Арга хэмжээ авахгүй байсаар ийм байдалд хүрлээ" гэсэн юм.