Италийн Турин хотод Тусгай олимпын дэлхийн өвлийн наадам энэ сарын 8-16-ны хооронд болж, өнөөдөр өндөрлөх гэж байна.
Тус наадамд найман спортын төрөлд 103 орны 1500 тамирчин өрсөлдөж байгаа юм. Харин манай улсаас зургаан спортын төрөлд 24 тамирчин өрсөлдөж байгаа бөгөөд цасны гуталтай гүйлтийн 800 метрийн зайд Т.Дэлэгжаргал алтан медаль хүртлээ.
Тэрбээр “Турин-2025” Тусгай олимпын дэлхийн өвлийн наадмаас медаль хүртсэн найм дахь монгол тамирчин болж, Тусгай олимпын дэлхийн өвлийн наадмын Монгол Улсын дөрөв дэх алтан медальтан болов.
