Энэ оны арваннэгдүгээр сард инфляцын түвшин улсын хэмжээнд 8.1 хувьтай гарлаа. Энэ нь өмнөх оны эцсээс 7.7 хувь, өмнөх сараас 1.7 хувиар өссөн үзүүлэлт болж байна. Өөрөөр хэлбэл, хэрэглээний бараа, үйлчилгээний үнэ улсын хэмжээнд өмнөх оны мөн үеэс дунджаар 8.1 хувиар өссөнийг илтгэж байгаа юм.
Инфляци нь хэрэглээний сагсыг бүрдүүлж буй бараа үйлчилгээний үнийн ерөнхий түвшин өсөхийг хэлдэг бөгөөд сүүлийн таван сар дараалан чангарч байна.
