ҮСХ-ны 2023 оны цаг ашиглалтын судалгааны дүнгээр өрхийн орлого өндөр байх тусам хөлстэй хөдөлмөрт илүү цаг зарцуулдаг гэжээ. Дунджаас дээгүүр болон дээгүүр орлоготой өрхийн иргэд дунджаар 4 цаг 36-54 минутыг хөдөлмөр эрхлэхэд зарцуулдаг аж.

Тэгвэл дундаж орлоготой өрхийн иргэд 4 цаг 7 минутыг хөлстэй хөдөлмөрт өдөрт дунджаар зарцуулж байгаа бол дунджаас доогуур орлоготой өрх 3 цаг 43 минутыг хөдөлмөр эрхлэх үйл ажиллагаанд зарцуулдаг аж.

Гэхдээ орлогын түвшин бага, амьжиргааны түвшин доогуур ангилалд багтах өрхийн хувьд хөдөлмөр эрхлэх үйл ажиллагаанд бусад өрхтэй харьцуулахад их цаг зарцуулдаг ч энэ цагийнхаа дийлэнх буюу 80.4 хувийг өөрийн өрхийн эцсийн хэрэглээнд бүтээгдэхүүн үйлдвэрлэхэд зарцуулжээ