Үндэсний их баяр наадам, амралтын өдрүүдэд цаг агаар ямар байх талаар ус цаг уурын байгууллагаас баруун, төвийн аймгуудаар болон говийн, зүүн аймгуудаар түр зуурын аадар бороо орохыг мэдээлжээ. Тодруулбал, 10-нд Алтай, Хангай, Хэнтийн уулархаг нутгаар, 11-нд баруун аймгуудын нутгийн хойд хэсэг, төвийн аймгуудын ихэнх нутаг, говь болон зүүн аймгуудын нутгийн зарим газраар, 12-нд баруун болон говийн аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн баруун хэсгээр, 13-нд төвийн аймгуудын нутгийн зүүн хэсэг, зүүн аймгуудын нутгийн баруун хэсгээр дуу цахилгаантай аадар бороо орно. Мөн салхи борооны өмнө түр зуур салхи ширүүсэх нь. Харин хангайн бүсийн нутаг, голын ай сав газрын орчмоор өдөртөө 31 хэм хүртэл халах төлөвтэй байна. Мөн Дорнод-Монголын тал нутгаар өдөртөө +36 хэм хүрч шөндөө 18-23 хэм хүртэл халуун хонох нь. Тэгвэл Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Тэрэлж голын хөндийгөөр шөнөдөө +5...+10 градус, өдөртөө +19...+24 градус хүрэх төлөвтэй байна.