Монгол Улсын Засгийн газраас "Шинэ хоршоо-Чинээлэг өрх" 5 их наядын хөтөлбөр хэрэгжүүэхээр болсон билээ. Тодруулбал, өнгөрөгч өвлийн зудын эрсдэлд нийт 6 сая гаруй мал хорогдож, 370 гаруй өрх хотоо харлуулж, зудын хүндрэл тулгарсан аймаг, сумдын малчдын амьжиргаа дагаад 2-3 дахин буурсан болохыг мэргэжлийн байгууллагаас дүгнэсэн байдаг. Үүнтэй холбогдуулан төрөөс авах зарим арга хэмжээний хүрээнд хоршоо байгуулах ажлыг зохион байгуулж эхлээд буй юм. Мөн зуданд бүх малаа алдсан малчдыг малжуулах аян улс орон даяар тун удахгүй хэрэгжинэ.

Тэгвэл УИХ-ын гишүүн Б.Баттөмөр УИХ-ын чуулганы 2023.12.01-ний өдрийн нэгдсэн хуралдаанд Хөдөө аж ахуйн салбарын өвлийн бэлтгэл ажил, зудын эрсдэл, өвс, тэжээлийн нөөц хангамж, малчдын амьжиргааны асуудлыг онцгойлон хөндөж, холбогдох албаны хүмүүсээс асуулт асууж хариулт авч байжээ.