2024 оны чөлөөт, сонгомол бөхийн Ази тивийн аварга шалгаруулах тэмцээн өнөөдөр Киргизстаны нийслэл Бишкек хотноо эхэлнэ. Тус хотод энэ сарын 19-21-ний өдрүүдэд мөн Ази тивийн олимпын эрх олгох тэмцээн болно. Монголын чөлөөт бөхийн шигшээ баг тамирчид томоохон бүрэлдэхүүнтэй Киргизстан улсыг ээлжлэн зорьж байна.
Учир нь энэ жилийн хувьд бөхийн сонгомол барилдааны шигшээ баг байгуулагдаж анхны олон улсын тэмцээндээ баг тамирчдаа өрсөлдүүлнэ. Өнөөдөр бөхийн чөлөөт барилдаанаар Азийн аварга “Хөшиг”-өө нээж байна. Азийн аварга шалгаруулах тэмцээн өнөөдөр эрэгтэй 57, 65, 70, 79, 97 кг-ын барилдаанаар үргэлжлэх юм. Манай улсаас,
- 57 кг-З.Занабазар
- 61 кг-Э.Энхболд
- 65 кг-Т.Тулга
- 70 кг-Ц.Чинзориг
- 74 кг-Б.Батбаяр
- 79 кг-Э.Бямбадорж
- 86 кг-Н.Батбилгүүн
- 92 кг-Д.Батзул
- 97 кг-Ө.Батзул
- 125 кг-Д.Одгэрэл нар өнөөдөр дэвжээнд гарна.
