Энэ сарын 20-ны өдөр цахим орчинд "Тавантолгой Төмөр Зам" ХХК-ийн ажилтнуудтай холбоотой бичлэг цацагдсан. Уг бичлэгт албан тушаалтнууд ажлын байрандаа архидсан байж болзошгүй, мөн нэгнээ үнсэж тэвэрч, дотуур хувцастайгаа алхаж буй нь бичигдсэн байдаг. Тэгвэл "Тавантолгой Төмөр Зам" ХХК-аас ажлын байранд тавигдах шаардлагыг зөрчсөн Тавантолгой Төмөр Зам ХХК-ийн ажилтнуудыг ажлаас нь чөлөөлж шийдвэрлэсэн.

Харин Сүхбаатар дүүргийн цагдаагийн газрын нэгдүгээр хэлтсээс зөрчил шалган шийдвэрлэх ажиллагааг явуулж “Согтууруулах ундаа хэрэглэхийг хориглосон газарт архидан согтуурсан” үйлдэлд Зөрчлийн тухай хуулийн 5.1 дүгээр зүйлийн 2 дах хэсэгт зааснаар холбогдогч нарт 25 нэгжээр торгох шийтгэл оногдуулсан байна.

Уг шийтгэлийг иргэд хөнгөдсөн зэргээр шүүмжилж байгаа юм. Тэгвэл уг асуудалд ЦЕГ-ын ХМТ-ын дарга, цагдаагийн хурандаа Б.Батзориг “Тавантолгой Төмөр Зам“ ХХК-ийн албан тушаалтнуудыг 25 мянган төгрөгөөр торгосон нь хууль эрхзүйн зохицуулалтын хүрээнд шийдвэрлэсэн" хэмээлээ.