Олон Улсын Социалист Залуучуудын холбооны Ази Номхон Далайн бүсийн зөвлөлийн тэргүүлэгчид Тогтвортой хөгжлийн төлөө эвлэлдэн нэгдэж, Уур амьсгалын өөрчлөлтийн эсрэг дуу хоолойгоо нэгтгэн чуулж байна.
Хүний эрх, тэгш байдал, эв санааны нэгдлийг үнэт зүйлсээ болгон дэлхийн өнцөг булан бүрт тогтвортой хөгжил, ээлтэй нийгмийг цогцлоохоор манлайлж яваа Олон Улсын Социалист Залуучуудын холбооны Ази Номхон Далайн бүсийн зөвлөлийн тэргүүлэгчид төрийн ордонд цугласан байна.
Олон улсын социалист залуучуудын холбоо /IUSY/ нь өндөр идэвхтэй, нарийн зохион байгуулалттай, үйл ажиллагааны цар хүрээ нь бүх тивийн 110 оронд хүрдэг, дэлхий дахины 160 гаруй улс төрийн болон олон нийтийн байгууллагатай хамтын ажиллагаатай, олон мянган “Социал демократ” үзэл баримтлалтай залуусын нэгдэл болсон байгууллага юм.
