Нийслэлийн зарим дүүрэгт /2023.10.12/ өглөөнөөс эхлэн угаар үнэртэж байгаа талаар иргэд олон нийтийн сүлжээнд мэдээлж байна. Ингэхдээ Налайх дүүрэгт төмрийн үйлдвэрийн газ дэлбэрсэнтэй холбоотой гэсэн ч НОБГ-аас тодруулахад "Налайх дүүрэгт үйлдвэрийн газ дэлбэрсэн дуудлага ирээгүй. Өнгөрсөн шөнө гурван галын дуудлага бүртгэгдсэн" гэх тайлбарыг өгсөн юм.

Харин уг асуудалд Шадар сайд С.Амарсайхан "Дүнжингарав орчимд хяналт тавьж байна.

Мэргэжлийн байгууллагууд удахгүй мэдээлэл хийнэ. Налайх дүүрэгт газ дэлбэрсэн асуудалд 9 сарын 25-нд болсон. Өнөөдрийн асуудалтай холбоогүй" гэлээ.

Юунаас болж угаар үнэртэж байгааг тодруулахаар мэргэжлийн байгууллагууд ажиллаж байгаа юм.