Хууль зүй, дотоод хэргийн сайд Б.Энхбаяр цагдаа, дотоодын цэргийн анги, байгууллагын удирдах алба хаагчидтай уулзалт хийлээ. Энэ үеэрээ, бага насны хүүхдийн эсрэг үйлдэгдсэн гэмт хэргийн ялын бодлогыг чангаруулах тухай болон гэр бүлийн дагнасан шүүхтэй болох талаар мэдээлэл өгсөн юм.

Тодруулбал тэрбээр, "Засгийн газраас шүүх байгуулах тухай хуулийг удахгүй өргөн барих гэж байна. Энэ хуулийг дагалдуулаад гэр бүлийн дагнасан шүүх байгуулах нь зүйтэй гэж үзэж байна.

Яг одоо хүний эрхийн олон улсын байгууллагууд болон Улсын дээд шүүх, Шүүхийн Ерөнхий Зөвлөлөөс саналуудыг авч нэн яаралтай өргөн барихаар бэлтгэж байна" гэлээ.