БНСУ-ын Статистикийн газар болон Эдийн засгийн хамтын ажиллагаа, хөгжлийн байгууллага хамтран “Ази, Зүүн Өмнөд Ази, БНСУ-ын хөгжлийг ДНБ-ээс өөр үзүүлэлтээр хэмжих нь” олон улсын бага хурлыг БНСУ-ын Сөүл хотод энэ сарын 18-22-нд зохион байгуулагдаж байна.
Энэ удаагийн бага хуралд олон улсын байгууллага, Ази, Номхон далайн орнуудын статистикийн байгууллагын төлөөлөл болон эрдэмтэн судлаачид оролцож байгаа юм.
Монгол Улсыг төлөөлж Үндэсний Статистикийн Хорооны дарга Б.Батдаваа салбар хуралдаануудад оролцож, Монгол Улсад шинээр хэрэгжүүлж буй хүнийн эрхийн индекс, ядуурлын олон хэмжээст үзүүлэлт болон Төрийн нэгдсэн мэдээллийн сан төслийн талаар илтгэл хэлэлцүүлж байна.
