Үндэсний их баяр наадмын хүчит бөхийн барилдааны 8-ын даваанд Монгол Улсын аварга Н.Батсуурь Улсын гарьд Ц.Бямба-Отгон нар барилдаж, аварга Н.Батсуурь өвдөг шороодсон.
Гэвч тэрбээр өвдөг шороодсоныхоо дараа Гарьд Ц.Бямба-Отгон руу салаавч гаргасан байж болзошгүй бөгөөд үүнд бөх сонирхогчид хийгээд иргэд, олон нийт шүүмжлэлтэй хандсан юм. Тэгвэл Н.Батсуурь аваргыг уг асуудлаар Хан-Уул дүүргийн Цагдаагийн газраас дуудсан талаар тэрбээр өөрийн цахим хуудсаараа дамжуулан мэдээллээ. Тодруулбал,
"Ц.Бямба-Отгон Гарьдад унасан харамссан зургаа худалдаж авна. Зурагчдаа олж өгч тусална уу. Хан-Уулын цагдаагаас залгаж байна ир гэж" хэмээжээ.
