Засгийн газрын өнөөдрийн хуралдаанаар Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуулийн төслийг хэлэлцсэн. Энэ талаар Сангийн сайд Б.Жавхлан, "Бид жил бүр тавдугаар сарын 01-ний дотор ирэх оны төсвийн макро хүрээг танилцуулдаг.

Ерөнхий эдийн засгийн чиг хандлага тотворжих, цаашид өсөх суурь бий болж байгаа ч олон улсыг харахад эдийн засгийн нөөцөө сайн төлөвлөх хэрэгтэй болж байна. Ингэхдээ төсвийн хүрээний мэдэгдлийн тоонуудаа ЭЗХЯ-тай хамтарч хийлээ. Ирэх оны төсвийн хүрээний мэдэгдэлд,

• ДНБ-ний бодит өсөлт ирэх жил 6,5
• Инфляц 8 хувьд хүрч, энэ хязгаарт нь барина.
• Нэгдсэн төсвийн тэнцвэржүүлсэн орлого 21 их наяд 163 тэрбум буюу өмнөх жилийнхээс 11 хувийн өсөлттэй.
• Зарлагын дээд хэмжээ нь 2024 онд 22 их наяд 996,1 тэрбум буюу өмнөх оноос 12 хувийн өсөлттэй байхаар төлөвлөлөө.
• Алдагдал буюу нэгдсэн тэнцэл маань 2,8 хувь дээр барьж байгаа.
• Алдагдлын хэмжээ 1 их наяд 832,9 тэрбум төгрөг байх төсвийн хүрээний мэдэгдлийг танилцууллаа. Ингээд хуулийн хугацаандаа буюу ирэх даваа гарагт УИХ-д өргөн барина" гэлээ.