Энэ мэдээ хуучирсан буюу 2023/03/24-нд нийтлэгдсэн мэдээ болно.

Нийслэлийн газар зохион байгуулалтын төлөвлөгөөний төсөлд өөрчлөлт оруулна

Ангилал
Нийгэм
Огноо
Унших
2 минут 0 секунд

Нийслэлийн Засаг даргын зөвлөлийн хурал болж, Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн удирдан явуулав. НИТХ-ын тогтоолоор Нийслэлийн 2023 оны газар зохион байгуулалтын төлөвлөгөөг баталсан. Тус төлөвлөгөөнд дөрвөн бүлгийн 19 дэд бүлэгт хамаарах 907 төсөл, арга хэмжээг тусган, хэрэгжилтийг ханган ажиллаж байна. Гэвч төлөвлөгөө батлагдах явцад холбогдох байгууллагуудаас хоцорч ирсэн санал, төлөвлөгөөнд тусгагдаагүй боловч улс, нийслэлийн төсвийн хөрөнгөөр хийж буй бүтээн байгуулалтын ажлуудын төсөв хөрөнгө, зураг төсөл нь батлагдан, газрын асуудлыг шийдвэрлүүлэх тухай хүсэлтүүд нийслэлийн нутгийн захиргааны байгууллагуудаас иржээ. Мөн хотын ногоон байгууламж, цэцэрлэгт хүрээлэнг нэмэгдүүлэх шаардлагатай байгаа юм. Иймд Нийслэлийн 2023 оны газар зохион байгуулалтын төлөвлөгөөнд нэмэлт өөрчлөлт оруулах талаар Нийслэлийн Газар зохион байгуулалтын албаны дарга Г.Батзориг танилцуулав.

Энэ хүрээнд газар зохион байгуулалтын чиглэлээр хэрэгжүүлэх 108 арга хэмжээ төлөвлөсөн байна. Тодруулбал, төрийн болон төсөвт байгууллагын зайлшгүй хэрэгцээнд эзэмшүүлэх, ашиглуулахаар 14 байршлын 93.52 га, Газрын тухай хуулийн хэрэгжилтийг хангаж, газрын зөрчлийг арилгаж, газрын төлбөрийн орлогыг нэмэгдүүлэх хэсэгт 42 байршлын 1010.04 га газар, нийтийн эдэлбэр газрын байршил хэмжээг тогтоох чиглэлээр 50 байршлын 7.2 га-г тусгажээ. Харин нөхөн олговор олгож, газар чөлөөлөх чиглэлээр дөрвөн арга хэмжээ төлөвлөсөн. Тухайлбал, барилга байгууламжийн газрыг чөлөөлөх хэсэгт гурван байршлын 0.336 га, инженерийн шугам сүлжээ, түүний барилга, байгууламжийн газрыг чөлөөлөхөөр нэг байршил тусгасан байна.

Ерөнхий сайд Л.Оюун-Эрдэнэ: Эрдэнэтийн 49 хувь, Оюутолгой гээд олон асуудал Х.Баттулга, Ц.Элбэгдоржтой холбоотой. Зуурсан бантанг чинь цэвэрлэх гэж үйлээ үзэж байна
Ерөнхий сайд Л.Оюун-Эрдэнэ: Эрдэнэтийн 49 хувь, Оюутолгой гээд олон асуудал Х.Баттулга, Ц.Элбэгдоржтой холбоотой. Зуурсан бантанг чинь цэвэрлэх гэж үйлээ үзэж байна
 
Ц.Элбэгдорж: С.Зоригийг хөнөөсөн хэргийн “ХАВТАСТ ХЭРЭГ“-ийг 2017 онд нууцаас гаргасан. Нийтэд үзүүлэхгүй өдий хүрлээ
Ц.Элбэгдорж: С.Зоригийг хөнөөсөн хэргийн “ХАВТАСТ ХЭРЭГ“-ийг 2017 онд нууцаас гаргасан. Нийтэд үзүүлэхгүй өдий хүрлээ
Энэ мэдээ хуучирсан буюу 2023/03/24-нд нийтлэгдсэн мэдээ болно.