БНСУ-аас Монгол Улсад суугаа Элчин сайд Ким Жун Гү өнөөдөр мэдээлэл өгөв. Энэ үеэрээ "БНСУ руу зорчих визийг хөнгөвчлөх, үүнтэй холбоотой нөхцлүүдийг шийдвэрлэх асуудалд хоёр улсын талаас хичээнгүйлэн ажиллаж, ажил хэрэг болгохоор зүтгэж байна. Яг одоогийн байгаа нөхцлөөс нэлээн сайжирна гэж бид харж байгаа. Манай хоёр улсын харилцаа одоо байгаа түвшнээсээ шат ахих, хөгжих бүх боломжуудыг хангахын тулд ажиллах болно. Хоёр улсын Ерөнхийлөгч, Ерөнхий сайд нарын харилцаа сайн байгаа. Энэ харилцааг илүү сайжруулж, олон жил хадгалж явахын төлөө бид ажиллана" гэлээ.