"Зөвлөлдөж шийдье" Үндэсний хэмжээний Зөвлөлдөх санал асуулгын хоёр дахь шатны үдээш хойших хэлэлцүүлэгт "Жендэрийн тэгш байдал ба нийгмийн оролцоо" сэдвээр Удирдлагын академийн Төрийн инновац, хөгжлийн албаны сургалтын эрхлэгч Н.Наранчимэг илтгэл тавьж хэлэлцүүллээ.

Тэрбээр тавьсан илтгэлдээ "Улс төр дэх жендэрийн тэгш байдлыг хангах асуудал өнөөгийн нийгмийн тулгамдаж байгаа нэг сэдэв мөн. Ялангуяа Улс төрийн шийдвэр гаргах түвшинд эмэгтэйчүүдийн хөдөлмөр эрхлэлт 30 хувьд ч хүрч чадахгүй байна. Тухайлбал, өнгөрсөн 8 удаагийн сонгуулиар 608 хүн УИХ-ын гишүүнээр сонгогдож ажилласан байна. Эдгээрийн зөвхөн 10 хувь нь эмэгтэчүүд буюу нийт 64 эмэгтэй УИХ-ын гишүүнээр сонгогдон ажилласан байна" гэв.