Замын төвийн удирдлагын төв, Тээврийн цагдаагийн алба болон бусад холбогдох байгууллагуудаас Сар шинийн баяртай холбогдуулан мэдээлэл хийлээ. Тус мэдээлэлд:

• Зайсан тойруугийн хөдөлгөөн зохицуулалттай холбоотойгоор Зайсан тойруу, Дүнжингаравын хөдөлгөөний ачаалал хэвийн тэнцвэртэй үргэлжилж байна. Гол гудамжууд болох Энхтайваны өргөн чөлөө, МУБИС-ийн зүүнээс баруун чиглэлд 28 хувь, Яармагийн гүүр 37 хувь, Энхтайваны гүүрний нэвтрүүлэх чадвар 44 хувиар тус тус нэмэгдсэн.
• Зайсан тойруугийн хөдөлгөөн зохицуулалт хийхийн тулд 15-20 цагийн хооронд 25-30 алба хаагч ажилладаг байсан бол нэг чигийн хөдөлгөөнд оруулснаар ингэх шаардлагагүй болсон.
• Битүүн болон Сар шинийн 4-ний өдөр автомашины дугаарын хязгаарлалт үйлчилнэ.
• Зарим тохиолдолд замын чиглэлийг өөрчлөх ажлыг тухай бүрд нь хийнэ. Иймээс алба хаагчдаас тавьж байгаа хууль ёсны шаардлагыг биелүүлж замын хөдөлгөөнд оролцохыг жолооч нартаа уриалж байна” гэжээ.