Эгшиглэнт эхийн хишигт найрагч тодруулах "Болор цом-40" яруу найргийн наадам өнөөдөр СТӨ-нд 19.00 цагаас болно. Чингис хааны мэндэлсний 860 жилийн ойг ташлан Их хааны суу алдрыг алдаршуулан мөнхлөх, үйлс бүтээлийг хойч үедээ таниулан сурталчлах зорилгын хүрээнд хийж буйгаараа онцлог.

“Болор цом-40” яруу найргийн наадамд бүтээлээ ирүүлэх найрагчид тухайн онд бичсэн, ном, хэвлэл, цахим орчинд нийтлэгдээгүй 2 шүлгийг ирүүлдэг бөгөөд наадмын нэг бүтээл нь Эзэн Чингис хааны суу алдар, үйлс бүтээлийг алдаршуулан дуулсан утга агуулга бүхий байх юм.