“Чингис хаан, хаад язгууртны музей“ маргааш нээлтээ хийхтэй холбогдуулан албаныхан мэдээлэл хийлээ. Энэ үеэр тус музейн захирал, академич С.Чулуун "Гадаадын 14 улсаас Монголын эзэнт гүрэн болон Монголчуудтай холбоотой зайлшгүй шаардагдах дурсгалуудын А хуулбарыг авсан. Тухайлбал, Чингисийн чулууны бичиг, Алтан ордны хаад язгууртны бичиг, Чингис хааны нэртэй Алтан гэрэгэ мөн Японы хааны ордонд хадгалагдаж байгаа Юань улсын аян дайныг харуулсан уран зургийн хуулбар гэх мэт. Сонирхуулахад, тус Юаны гүрэн Хубилай хааны аян дайныг харуулсан уран зургийн хуулбарыг авснаас 28 хоногийн дараа "Хосгүй үнэт дурсгал"-ын бүртгэлд орсон" гэв.