Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган нэр бүхий хүмүүсийг төрийн дээд цол, одон, медалиар шагналаа. Энэ үеэр Ардын жүжигчин Д.Ухнааг Хөдөлмөрийн баатар цолоор шагналаа. Түүний хувьд хөгжимт драмын театрын дуучнаас ажлын гараагаа эхэлж байжээ. Улмаар урлагийн салбарт тасралтгүй 60 гаруй жил зүтгэхдээ Монголын болон дэлхийн сонгодог дуурийн бүтээлүүдэд гол дүр бүтээж байв.