Тусгаар тогтнолын ордны арын талбайгаас эрэгтэй хүний цогцос олдсон талаарх мэдээлэл гарсан. Тус хэргийн талаар ЦЕГ-ын хэвлэл мэдээллийн төвөөс тодруулахад "Сүхбаатар дүүргийн 8 дугаар хорооны нутаг дэвсгэрт авто зогсоолын орчим эрэгтэй хүн хэвтэж байна гэх дуудлага мэдээлэл өнөөдөр /2022.05.17/ өглөөний 09:40 цагт цагдаагийн байгууллагад бүртгэгдсэн. Дуудлагын дагуу тус дүүргийн цагдаагийн газрын нэгдүгээр хэлтсийн алба хаагчид очиход 51 настай эрэгтэй Б ил харагдах гэмтэл шархгүй нас барсан байжээ. Тус хэрэгт Сүхбаатар дүүргийн цагдаагийн газрын нэгдүгээр хэлтэс мөрдөн шалгах ажиллагаа явуулж байна" гэв.

Эх сурвалжийн мэдээлж буйгаар, тухайн иргэн нь тодорхой оршин суух хаяггүй, гэр оронгүй хүн байсан байж болзошгүй.