Ардчилсан намаас өнөөдөр /2022.04.14/ цаг үеийн асуудлаар мэдээлэл хийлээ. Энэ үеэр Нийслэлийн АН-ын дарга Э.Бат-Үүл "Өчигдөр Х.Баттулга АН-ын даргаар бүртгүүлэх материалаа УДШ-д өгсөн. Хачирхалтай зүйл хэлсэн. Шүүхийн институцийг анх удаа бүртгэлийн төдий байгууллага гэж Х.Баттулга хэллээ. Энэ бол Х.Баттулга шүүхийг Ерөнхийлөгч байхдаа ч юу гэж үздэг байсны илрэл. Путины Украин руу хийсэн түрэмгийлэл бол ардчилал руу дайрсан түрэмгийлэл. Монгол Улсын ардчилал ч үүнд хамрагдаж байгааг хэлмээр байна. Үүний нотолгоо нь ОХУ-ын онц бөгөөд бүрэн эрхт элчин сайд Ардчилсан нам руу дайрсан явдал. Ингэхдээ Х.Баттулга Монголын ардчиллыг бусниулах ажил хийх гэж байна. Х.Баттулга Монгол Улсыг төв Ази дахь Беларус болгохыг хэзээ ч хүлээн зөвшөөрөхгүй" гэв.