Энэ сарын 18-нд буюу "Монгол цэргийн баяр"-ын өдөр цагдаагийн байгууллагад “Баянзүрх дүүргийн 4 дүгээр хорооны нутаг дэвсгэрт байрлах хүнсний дэлгүүрийн худалдагчид хутга тулган дээрэмдсэн” гэх дуудлага мэдээлэл иржээ. Дуудлагын дагуу НЦУГ-ын Мөрдөн шалгах газрын Хүнд гэмт хэрэгтэй тэмцэх хэлтэс, БЗД, СХД цагдаагийн газрын алба хаагчид гэмт этгээдүүдийг шуурхай эрэн сурвалжлах ажиллагаа явуулж, дээрх гэмт хэргийг үйлдсэн байж болзошгүй 20 настай эрэгтэй Д, 22 настай эрэгтэй Б нар Баянгол дүүргийн 2 дугаар хорооны нутаг дэвсгэрээс барьсан байна. Цагдаагийн албан хаагчдыг саатуулах үед тэд дахин энэ төрлийн гэмт хэрэг үйлдэхээр бэлтгэж байжээ.

Хэргийг цагдаагийн байгууллага үргэлжлүүлэн шалгаж байна.