УИХ-ын гишүүн Ш.Адьшаа, Н.Ганибал нар энэ сарын 13-нд Үндсэн хуулийн цэцэд хандан "давхар дээл"-ийн асуудлаар гомдол гаргасан.

УИХ-аас 2019 оны 11 дүгээр сарын 14-ний өдөр баталсан Монгол Улсын Үндсэн хуулийн нэмэлт, өөрчлөлтийн Гуравдугаар зүйлийн 10 дахь заалтаар Монгол Улсын Үндсэн хуулийн Гучин есдүгээр зүйлийн 1 дэх хэсгийг “... Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно.” гэж өөрчлөн найруулсан нь Үндсэн хуулийн Оршил болон холбогдох заалтыг зөрчсөн эсэх маргааныг хянан хэлэлцэх Үндсэн хуулийн цэцийн дунд суудлын хуралдаан өнөөдөр болох байсан хэдий ч УИХ-ын төлөөлөл халдварын хавьтал болсны улмаас “давхар дээл”-тэй холбоотой ҮХЦ-ийн хурал тодорхойгүй хугацаагаар хойшлогджээ.