УИХ-ын өнөөдрийн чуулганаар 2022 оны төсвийн тухай хуулийг баталлаа. Энэ талаар УИХ-ын гишүүн С.Одонтуяа байр сууриа илэрхийлэв. Тэрбээр "Гишүүд тойрог руугаа баахан хөрөнгө оруулалт татдаг нь Сонгуулийн хуультай холбоотой. Энэ бол маш том алдаа. Тиймээс УИХ-ын гишүүд холимог тогтолцоо руу явах ёстой. Монгол Улсын хөгжлийг нийтэд нь, энэ төсөв Монгол Улсынх гэж харахгүй. Зөвхөн өөрсдөө л авч байвал болоо гэсэн хандлага байна. Мөн нөгөө талаараа гишүүдийг бас буруутгаж болохгүй л байна. Учир нь тойрогтоо очихоор цэцэрлэг, сургууль гээд шийдэх зүйл их байдаг.

УИХ-ын 10 гишүүн нэгдэж, ХӨСҮТ-д нэг тэрбум төгрөгийн засварын мөнгө шийдүүллээ. Бид зөвхөн тойрогт гэлтгүй өвчтөнүүдийн эрүүл мэндийн асуудлыг шийдэхийн тулд ХӨСҮТ-ийн асуудлыг шийдүүлэхийг зорьсон. Өнгөрсөн жилүүдээс маш муу төсөв боллоо" хэмээлээ.