Ирэх аравдугаар сарын СХД, Хэнтий аймгуудад нөхөн сонгууль явагдана. Энэ удаагийн сонгуульд СХД-т МАН-аас Э.Батшугар, АН-аас Э.Бат-Үүл, ХҮН-аас Б.Найдалаа, Хэнтий аймагт МАН-аас Ц.Идэрбат, АН-аас Э.Гарамгайбаатар нар өрсөлдөж байгаа юм.

Тэгвэл нөхөн сонгуультай холбоотойгоор АН-ын дарга асан С.Эрдэнэ байр сууриа илэрхийлжээ. Тэрбээр "Энэ удаагийн нөхөн сонгуулиар эрх баригч МАН-ын нэр дэвшигчийг сонгоод ямар ч өөрчлөлт гарахгүй. ХҮН-ын нэр дэвшигчийг сонголоо гээд мөн ямар ч өөрчлөлт гарахгүй. Харин АН-ын нэр дэвшигчийг сонговол өнөөгийн УИХ- амь орж СХД-ийн сонгогчдын төлөөлөл жинхэнэ амьд бодитой болж чадна" хэмээжээ.