Эрүүл мэндийн ээлжит мэдээллийн цагт Боловсрол шинжлэх ухааны сайд Л.Энх-Амгалан оролцож мэдээлэл өглөө. Энэ үеэр тэрбээр танхимын сургалт ирэх есдүгээр сарын 1-нээс орно гэж мэдээлэв. Тэрбээр "Есдүгээр сарын 1-нд танхимын сургалт эхэлнэ. Учир нь хуультай. Бид хуулийнхаа дагуу явна. ЭЕШ-д өгч буй 40420 хүүхдээс 13636 нь 19 настай хүүхэд гэхээр 100 хувь вакцинд хамрагдсан. 25082 хүүхэд нь 18 настай. 100 хувь вакцинд хамрагдсан. 17 настай 1675-хан хүүхэд байна. 15-16 насны 27 шалгуулагч байна.

Энэ жилийн ковидын үед хичээлээ эрт тараасан. Анги дэвших, улсын шалгалтыг цуцалсан. Тэгэхээр есдүгээр сарын 1-нд хуулиараа хичээл эхэлнэ. Гэхдээ есдүгээр сарын 1-нд улсын хэмжээнд халдварын нөхцөл байдал ямар байхыг хэлэхэд хэцүү. Хүүхдүүд хоёр жил завсардаад байна. Энэ бол маш том хохирол. Гэхдээ дэлхийн улс орнууд нөхцөл байдал маш хэцүү байгаа ч сургуулиа хаасан тохиолдол тун цөөн. Манайх арай хатуу арга хэмжээ авчихжээ гэж харамсч байна. Судалгаагаар сурагчид авах ёстой мэдлэгийнхээ 60-70 хувийг заавал танхимаар сууж авдаг. Гэтэл манайх яг одоо эсрэгээрээ болчихоод байна" гэлээ.